90 кундан 30 кунга қисқаради. Россияга 3 ойдан ортиқ муддатга келган хорижликлар мажбурий тиббий кўрикдан белгиланган муддатда ўтиши керак. Илгари бунинг учун 90 кун берилган бўлса, энди муддат 30 кунга туширилади.
Агар мигрантда хавфли юқумли касаллик аниқланса, уни Россиядан тезкор депортация қилиш чоралари кўрилади.

Шунингдек, давлат идоралари ўртасида маълумот алмашишнинг янги электрон тизими жорий этилади. Бу хорижликларни Россия Федерал солиқ хизматида тезроқ ҳисобга қўйиш имконини беради.

Мигрантлар устидан қўшимча назорат механизмларини жорий этиш бўйича тажриба-синов ишлари ҳам кенгайтирилади. Шу тариқа Россия миграция ҳисобини босқичма-босқич рақамлаштириш ва назоратни тезкорлаштиришни режалаштирмоқда.

Аввалроқ Россияда хорижлик ишчилар учун НДФЛни 30 фоизга ошириш, пул ўтказмаларига 3 фоиз йиғим жорий этиш, мигрантларнинг вояга етмаган фарзандлари учун ҳам патент тўловини жорий қилиш каби таклифлар илгари сурилган эди.

Шунингдек, айрим ҳудудларда хорижликлар патент асосида ишлай олмайдиган соҳалар рўйхати кенгайтирилган, миграция соҳасидаги давлат божлари сезиларли оширилган. Россияда хорижликларнинг мамлакатда бўлиш талабларини кучайтирувчи қонун ҳам қабул қилинган эди.