Тизимда маблағ етишмаслиги, модернизация амалга ошмагани каби муаммолар очиқланди.

Эслатма: 2022 йилда тизимни модернизация қилиш учун 380 миллион АҚШ доллари кредит ажратилган эди.

Муаммолар:

Охирги уч йилда ходимларнинг 30% иш ҳақининг пастлиги ва катта иш ҳажми сабабли тизимни тарк этган. Улардан 45% эксплуатация хизмати мутахассислари.

9 749 км. электр тармоғининг 26% (2 540 км.) таъмирталаб. 90 та подстанциядан 9 тасини модернизация қилиш, 2 тасининг қувватини ошириш зарур.

11 та махсус лаборатория автомашинасининг 6 таси замонавий талабларга жавоб бермайди, тунги вақтда эса фақат 2 таси навбатчилик қилади. Бу бир вақтнинг ўзида бир нечта ҳудуддаги аварияларни тез аниқлаш ва бартараф этишга қийинчилик туғдиради.

Тизимдаги 1154-рақамли CALL-марказ орқали мурожаатларни қабул қилувчи операторлар 5 нафарни ташкил этади. Шу сабабли оператор билан уланиш учун 60-70 тагача навбат юзага келган.

Тизимга сарфланган маблағлар

2022 йилда Тошкент шаҳрида «Электр энергетика соҳасини трансформация қилиш ва электр энергиясини барқарор узатиш» лойиҳаси тақдим қилинган. Лойиҳани амалга ошириш учун Халқаро тараққиёт ассоциацияси (Жаҳон банки гуруҳи) томонидан 380 миллион АҚШ доллари, Яшил иқлим жамғармаси томонидан эса 43 миллион АҚШ доллари миқдорида кредит ажратилгани ҳақида хабар берилган.