Тошкентда транспорт соҳасида янги тизим йўлга қўйилади
Пойтахт транспорт тизимини модернизация қилишга қаратилган чора-тадбирларни амалга ошириш ишлари бошланди. Мазкур жараён Шавкат Мирзиёев томонидан транспорт инфратузилмасини ривожлантириш бўйича қабул қилинган қарор ижроси доирасида олиб борилмоқда.
Шу мақсадда ташкил этилган Йўл ҳаракатини ташкил этиш маркази томонидан бугун Тошкент шаҳрида транспорт оқимини тартибга солиш, тирбандликларни камайтириш, экологик муаммоларни бартараф этиш ҳамда жамоат транспорти тизими устидан назоратни кучайтиришга оид тақдимот ўтказилди.
Тақдим этилган ҳисоботларга кўра, яқин кунларда пойтахт кўчаларида “ақлли” светофорларни ўрнатиш, йўлларга халқаро стандартларга мос йўл чизиқларини тортиш, шунингдек, автотураргоҳларни самарали ташкил этиш бўйича кенг кўламли ишлар бошланиши режалаштирилган.
Қайд этилишича, мазкур қарор ижросини таъминлашда шаҳар ҳокимлиги ҳамда масъул ташкилотлар барча имконият ва ресурсларни сафарбар этиши кўзда тутилган. Лойиҳанинг бажарилиши устидан доимий назорат олиб борилиши таъкидланди.
Пойтахт инфратузилмаси учун муҳим аҳамиятга эга бўлган ушбу ташаббус шаҳар транспорт тизимини такомиллаштириш, экологик ҳолатни яхшилаш ҳамда аҳолига қулай шароит яратишга хизмат қилиши кутилмоқда.
Долзарб мавзулар
Mақолага баҳо беринг
0/50
0
0
0
0