Biroq, o'tkazilgan o'rganishlar davomida korruptsiyaviy xavf-xatarlar yuqori bo'lgan ayrim sohalarda korruptsiya omillarini bartaraf etishga qaratilgan chora-tadbirlar ijrosi yetarlicha ta'minlanmayotgani aniqlandi.

Bu haqda Oliy Majlis Senati Raisi Tanzila Narbaeva boshchiligida Korruptsiyaga qarshi kurashish Milliy kengashining Xorazm viloyatida o'tkazilgan sayyor majlisida aytildi.

So'nggi ikki yilda viloyatda 300 dan ortiq shaxs korruptsiyaviy jinoyatlarga qo'l urgani aniqlangan. Ayniqsa, energetika, qurilish, ta'lim, sog'liqni saqlash hamda imtiyozli kreditlar ajratish sohalarida korruptsiya xavfi yuqoriligi tanqid qilindi.

Korruptsiyaga qarshi kurashish agentligi direktori Akmal Burxanovga ko'ra, 2025 yilda viloyatda manfaatlar to'qnashuvi va davlat xizmatida tadbirkorlik bilan shug'ullanishga yo'l qo'yganligi uchun 12 nafar shaxs ma'muriy javobgarlikka tortilgan.

Shunga qaramay, viloyat, tuman va shahar hokimliklarida o'tkazilgan o'rganishlar natijasida 60 ga yaqin boshqaruv xodimlarining tadbirkorlik sub'ektlarida ta'sischi yoki rahbar sifatidagi faoliyati saqlanib qolayotgani ma'lum bo'ldi.

Majlisda korruptsiyaga qarshi kurashishga oid vazifalarni amalga oshirishda tizimli kamchiliklarga yo'l qo'ygan 10 nafardan ortiq mas'ul rahbarga nisbatan qat'iy choralar ko'rish bo'yicha Milliy kengashga taklif kiritilgani ma'lum qilindi.