Bugun, 30 noyabr' kuni Olmaota shahri Adi Sharipov ko'chasidagi xostelda yong'in sodir bo'ldi. O't o'chiruvchilar voqea joyidan 13 kishining jasadini olib chiqishgan.

Dastlabki ma'lumotlarga ko'ra, ular is gazidan zaharlanib vafot etishgan.Yong'in joyiga 7 nafar tez tibbiy yordam brigadasi jalb qilingan. Yana ikki kishi kasalxonaga yotqizilgan.
Qutqaruvchilar bergan ma'lumotga ko'ra yong'in vaqtida xostelda 72 kishi bo'lgan.
Yong'in haqida Favqulodda vaziyatlar boshqarmasiga mahalliy vaqt bilan soat 05:33 da xabar kelgan. Birinchi o't o'chirish bo'limi voqea joyiga 7 daqiqada yetib borgan. Yong'in soat 06:22 da to'liq qamrab olingan.
Ayni vaqtda hodisa qurbonlarining shaxsiga aniqlik kiritilgan.
Halok bo'lgan 13 kishidan 4 nafari xorijlik – 2 nafari O'zbekiston va 2 nafari Rossiya fuqarolari) bo'lib, qolgan 9 nafari qozog'istonliklardir.
Holat bo'yicha sud-tibbiy ekspertizasi tayinlangan.