Хитой Қонунчилик Ассамблеяси қонунчиликка “миллат туйғуларини камситувчи” кийим кийган шахсларни жаримага тортиш ва ҳибсга олиш имконини берувчи ўзгартишлар киритишни таклиф қилмоқда.

Ушбу ой бошида ўз веб-сайтида таклифни эълон қилган Бутунхитой халқ вакиллари кенгашининг доимий қўмитаси "Хитой миллати руҳига зарарли" деб ҳисобланган кийим ва рамзларни тақиқлашга интилади – бу ибора кўпинча ватанпарварликни ёки унинг етишмаслигини тасвирлаш учун ишлатилади.

Бу сўнгги йилларда шахсий услубга қўйилган қатор чекловлар, жумладан, "аёлларга хос услуб"га эга бўлган санъаткорлар иштирокидаги шоуларни тақиқлашга қаратилган трансляция қоидалари ва татуировкаларга қарши давом этаётган тазйиқлардан кейинги чеклов ҳисобланади.

Агар қонун лойиҳаси қабул қилинса, жамоат жойларида ҳақоратомуз нарсаларни кийиш ёки кийишга мажбур қилиш жазога тортилишига асос бўлади. Қоидаларни бузганлар 15 кунгача ҳибсга олиниши ва 5000 юан (681 доллар) миқдорида жаримага тортилиши мумкин. Аммо, ҳужжат лойиҳасида қайси турдаги кийимларни кийиш қонунга хилофлиги аниқ кўрсатилмаган.

Лойиҳада, шунингдек, сўз эркинлигига доир ҳам меъёрлар белгиланмоқда. Унга кўра, Хитой “руҳи”га зарар етказиши мумкин бўлган “мақолалар ёки баёнотларни тайёрлаш, чоп этиш ва тарқатиш” тақиқланади.

Ҳозирда ушбу таклифга доир жамоатчилик фикри ўрганилмоқда.
Баъзи хитойлик ижтимоий тармоқлар фойдаланувчилари бу масалага хавотирли муносабат билдириб, бошқаларни қонун лойиҳасига қарши чиқишга чақиришмоқда.
Айрим ҳуқуқшунос олимлар, таклиф этилаётган тузатишнинг яширин хусусиятлари ва аниқ йўл-йўриқ йўқлигига шубҳа қилишмоқда.

Шанхайдаги Шарқий Хитой сиёсатшунослик ва ҳуқуқ университетининг конституциявий тадқиқотлар профессори Тонг Чживей "Хитой халқининг руҳини ким ва қандай тартиб-қоидалар асосида тасдиқлайди?" деб ёзган Хитойнинг tvitterдаги Weibo платформасида.

Пекиннинг Тсингҳуа университети жиноят ҳуқуқи профессори Лао Донгян эса бундай қонуннинг қабул қилиниши халқ ҳуқуқларининг бузилишига олиб келиши мумкинлигидан хавотирда.

Лао, шунингдек, бу ҳаддан ташқари миллатчиликни қўзғатиши ва "баъзи мамлакатлар билан қарама-қаршиликни кучайтириб, (мамлакатни) пассив дипломатик позицияга қўйиши мумкинлигини" билдирди.