Abdulla Oripovning bir she'rida o'qigandim, shoir Yerni Quvaning anoriga o'xshatgan: «Qarshimda Yer sharin suvrati turar, salmog'i Quvaning anoricha bor...» Ishonchim komilki, shoir fazoga chiqib, Yerni ko'rish imkoniga ega bo'lganida bundan ham kutilmagan o'xshatish topishi aniq edi. Сhunki o'sha holat va kayfiyatni so'z bilan ifodalash imkonsiz. Deylik, siz gilos yemagan bo'lsangiz, uni har qancha ta'riflamay, baribir ta'mini his qilolmaysiz-ku.

Ba'zida boshqa sayyoralarda hayot borligiga ishonasizmi, deb so'rab qolishadi. Men o'zga sayyoraliklar yoki noma'lum uchuvchi jismlarni ko'zim bilan ko'rmaganman. Lekin tabiiy boshqa galaktika va sayyoralarda ham hayot bo'lsa kerak, deb taxmin qilaman. Eng yaqin yulduzga yorug'lik tezligida ikki yil uchish kerak, yana ayrim yulduzlarga yetish uchun millionlab yil ketadi. O'sha olis yulduzlarda odamzod kabi, balki undan ham aqlliroq mavjudotlar borligiga ishongim keladi...”, – deydi u.

Sharipovning so'zlariga ko'ra, u bolaligida koinot haqida orzu qila boshlagan. Yettinchi sinfdayoq birinchi navbatda qiruvchi uchuvchi bo'lishga, keyin esa kosmonavtlar korpusiga qo'shilishga qaror qildi.

Fazogir Solijon Sharipov ta'kidlaganidek, kosmonavtlik universal kasb. “Bu kasbni egallagan odam hamma narsaga qodir bo'lishi kerak. U dasturchi, olim, muhandis, uchuvchi va operator. Сhunki kosmosda sizga hech kim yordam bermaydi”.

Solijon Sharipov, shuningdek, yaxshi ma'noda kosmosni o'ziga jalb qilishini va hatto Yerda ham u tez-tez kosmik tushlar ko'rishini ta'kidlaydi.

“Nafaqat kosmos, men samolyotlarda ham uchaman. Koinotda bo'lganingda o'zingni insoniyatning elchisidek his qilishdek aql bovar qilmaydigan tuyg'uni his qilasan. Garchi biz unchalik baland uchmasak ham... Lekin bu Yerdan to'rt yuz kilometr balandlikda”, dedi u.

Eslatib o'tamiz, Sharipov 1998 yil 23 yanvardan 31 yanvargacha STS-89 dasturi bo'yicha 8 kun 19 soat 46 daqiqa 54 soniya davom etgan kosmik kemaning parvoz mutaxassisi sifatida koinotga uchgan. Keyin Rossiya orbital kompleksi “Mir” bilan tutashuvga erishildi.

U 2004 yil 14 oktyabrdan 2005 yil 25 aprelgacha ikkinchi kosmik parvozda bo'lib, o'shanda ikki marta ochiq koinotga chiqqan.

“Ikkinchi parvozim olti oy davom etdi. Shu vaqt davomida men Rossiya, O'zbekiston, Qirg'iziston, Tojikiston va butun sobiq Sovet Ittifoqi vakili bo'ldim. Amerikalik kosmonavtlar bilan 193 kun koinotda bo'ldik”, deya eslaydi, Solijon Sharipov.

Anvarjon HALIMOV tayyorladi