Jaloliddin Manguberdiga tegishli Yada toshi bugungi kunda Britaniya muzeyida saqlanmoqda.

Islom madaniyatiga oid ushbu tosh o'ymakorlik va gravyurali ishlanish texnikasida tayyorlangan. Uning balandligi - 29, kengligi - 50, qalinligi - 32 sm., og'irligi - 42,5 kg.

Tosh Eron hududidan topilgan va aktsiyada sotib olingan bo'lib, milodiy 1230-1231 yilda ishlangan.

Eksponatga “Mazkur tosh Jaloliddin Xorazmshoh umrining oxirgi yillaridagi sharqiy Turkiya, shimoli-g'arbiy Eron va Ozarbayjondagi harbiy yurishlaridan xabar beradi”, - degan ta'rif berilgan.