Toshkent tog'laridagi bahoriy mo''jiza

Bahor kelishi bilan tabiat qo'yniga oshiquvchilar soni ortmoqda. Ayniqsa, Toshkent viloyatining tog'li hududlari, xususan, Bo'stonliq tumanidagi olis Nanay qishlog'i bu kunlarda dam oluvchilar bilan gavjum. Nanay qishlog'i nafaqat tabiiy go'zalliklari, balki o'zining tinch va musaffo muhiti bilan ham sayyohlarni jalb etmoqda. Ishonch.uz muxbiri ushbu qishloqqa sayohat uyushtirib, bahoriy tabiatning go'zal manzaralarini, ayniqsa, el orasida tildan-tilga ko'chib yuruvchi Nanay sharsharasini kadrlarga muhrladi.