Кучли шамол сабаб Тошкент вилоятининг уч тумани электрсиз қолди

Шунингдек, пойтахт туманларидан бирида газ қувури ҳам зарарланган.

11:42 | 28.03.2024
•
841
Кучли шамол сабаб Тошкент вилоятининг уч тумани электрсиз қолди
Катталаштириш

Тошкент вилояти ва пойтахт ҳудудида кузатилаётган қаттиқ шамол натижасида бугун соат 09:30 ларда Тошкент шаҳридаги 110 кВли « L-K-D» электр узатиш тармоғи 60 МВт қувват билан авариявий ўчган.

Бунинг натижасида Тошкент вилоятининг Пискент, Қуйи Чирчиқ ва Ўрта Чирчиқ туманларида истиқомат қилувчи 12 минг 550 та истеъмолчи, шунингдек, кичик ишлаб чиқариш саноат корхоналари электр таъминотидан узилган.

“Ҳозирги вақтда истеъмолчиларни бошқа манбалардан таъминлаш чоралари кўриляпти”, – дейилади Энергетика вазирлиги муносабатида.

Хабарда айтилишича, соат 10:20 да Тошкент шаҳри, Чилонзор тумани, 19-квартал, Хирмонтепа маҳалласида диаметри 50 мм бўлган паст босимли газ қувури ҳам катта дарахт шамол оқибатида илдизидан қўпорилиб тушгани боис узилган.

Натижада ушбу ҳудуддаги 16 та кўп қаватли уйнинг 768 та хонадони табиий газдан вақтинча узилган.

Айни пайтда махсус ишчи гуруҳлар томонидан носозликларни бартараф этиш чоралари кўрилмоқда.

МАҚОЛАНИ УЛАШИШ
Instagram

Мақолага муносабат

Биринчи бўлиб овоз беринг

Фикрлар ва Муҳокама (0)

Одоб-ахлоқ қоидаларига риоя қилинг
Изоҳлар админ модерациясидан сўнг сайтда кўринади