Жанубий Кореянинг собиқ мудофаа вазири ўзини ўлдирмоқчи бўлди
Жанубий Кореянинг собиқ мудофаа вазири Ким Ён Ҳён Сеул шарқидаги тергов изоляторида ўз жонига қасд қилмоқчи бўлди, дея маълум қилди муассаса раҳбари Шин Ёнг Хе парламент тингловида.
Сиёсат
114 10:40 | 11.12.2024 10:40
Мулозимнинг айтишича, ҳозирда собиқ вазирнинг аҳволи ташвишли эмас. Унинг сўзларига кўра, тергов изолятори ходими зудлик билан вазиятга аралашган ва Ким Ён Ҳён дарҳол ўз жонига қасд қилишдан воз кечган.
«Тиббий кўрик натижалари маҳкумнинг соғлиғи яхшилиги, ҳеч қандай аномалияларсиз эканлигини кўрсатмоқда», — дейилади Жанубий Корея Адлия вазирлиги баёнотида.
Воқеа сешанба куни кечқурун Сеулдаги суд собиқ вазирни қўзғолонга алоқадорликда айблаб, расман ҳибсга олишидан сал олдин содир бўлган. Тергов маълумотларига кўра, Ким Ёнг Ҳён Жанубий Корея президенти Юн Сок Ёлга мамлакатда ҳарбий ҳолат эълон қилишни таклиф қилган ва Миллий ассамблея биносига ҳарбий хизматчиларни жойлаштиришни буюрган.
Долзарб мавзулар
Mақолага баҳо беринг
0/50
0
0
0
0