Одатда юртдошларимиз жигар операцияси учун Ҳиндистонга йўл олишади, бугун эса Ҳиндистонлик жарроҳ, профессор Ebhaytib Chaudherry Ўзбекистонга келди. У Тошкент тиббиёт академиясида ўқитувчи-шифокорлар ва талабалар учун жигар оператсясининг ўзига хослиги ҳақида маъруза ўтди.

Тажрибаларга асосланган илмий маъруза шифокор ва талабаларда катта қизиқиш уйғотди. У келтирган рақам эса шунчаки даҳшат – яъни бир йилда биргина Ҳиндистоннинг ўзида 4000 нафарга яқин инсон жигар кўчириш операциясини ўтказади.

Жигар трансплантацияси бу касалланган жигарни олиб ташлаш ва уни соғлом донор жигарининг бир қисми билан алмаштиришни ўз ичига олган амалиёт. Шифокор донор жигарни беморнинг яқинларидан олади. Шунда ҳам донорнинг бемор билан қон гуруҳи бошқа қатор кўрсаткичлари тўғри келиши шарт. Бундай ноёб операция учун Ҳиндистонда тажриба катта ва юртдошларимиз ҳам айнан бу давлатга Россия, Германия каби давлатлардан арзонлиги учун боришади.

Ebhaytib Chaudherry ва унинг жамоаси кўп йиллардан бери ўзбекистонлик беморларни соғлом ҳаётга қайтаради ва талабларга биноан Ўзбекистондаги беморларни ўзи бош-қош бўлиб, Ҳиндистонга олиб боради ва муваффақиятли операция қилиб, юртимизга олиб келишади.

Феруза Раҳимова, мухбир
Мирнодир Мирраҳимов, тасвирчи. Ishonch.uz