Зоминда халқаро бизнес-форум ўз ишини бошлади
Бугун Жиззах вилоятининг Зомин туманида инвестиция салоҳиятини ошириш ва тўғридан-тўғри хорижий сармояларни жалб этишни кўпайтириш мақсадида икки кунлик “Халқаро бизнес форум – Жиззах 2025” халқаро форум ўз ишини бошлади.
Тадбир вилоятнинг инвестиция салоҳиятини намоён этиш, тадбиркорлик субъектлари ва инвесторлар учун қулай шароит яратиш ва ишлаб чиқарувчиларнинг миллий кўргазмасини ўтказиш мақсадида ташкил этилди.
Унда Ўзбекистонда аккредитациядан ўтган халқаро ташкилотларнинг ишбилармон доиралари ва вакиллари вилоятнинг ривожланиши ҳолати, инвестиция муҳити шунингдек, хорижий сармоядорлар ва тадбиркорлик субъектлари учун яратилган қулай шарт-шароитлар билан таништирилди. Халқаро форумда 30 дан ортиқ мамлакатлардан 300 га яқин иштирокчи ва чет эл дипломатик миссиялари вакиллари ҳам иштирок этмоқда. Хорижий иштирокчилар учун Жиззах вилоятининг инвестициявий, савдо-иқтисодий ва туризм салоҳиятига бағишланган тақдимотлар ўтказилиши режалаштирилган.
Форум Жиззах вилоятининг катта хомашё захиралари, қулай логистика инфратузилмаси, бой табиий ресурслари, ривожланаётган туризм сектори ва юқори инсон капитали каби устунликларини намоён этиш билан бирга, вилоятнинг хорижий ҳамкорлар билан инвестициявий ва савдо-иқтисодий алоқаларини мустаҳкамлашга хизмат қилади.
Жиззах халқаро бизнес -форуми давом этмоқда.
Муқимбой Исмоилов,
Ishonch.uz
Долзарб мавзулар
Mақолага баҳо беринг
0/50
0
0
0
0