Илгари сув тўлиб оққан ариқлар қуриди. Сабзавот ва полиз экинлари экиб кун кўрадиган халқнинг яшаши қийинлашди. "Ўзинг учун ўл, етим" деганларидек, булоққа сув моторларини ўрнатиб, экин суғориш, ўзганинг кранини узиб, ўзиникини улаб олиш ҳолатлари ҳам кузатиляпти. Бу эса аҳоли ўртасида турли зиддиятларни келтириб чиқаряпти.

— Маҳалла аҳли билан келишган ҳолда, булоқдаги барча сув моторлари ва қувурларини олиб ташлаб, ҳар бир хўжаликка янги сув башняларини қурдирмоқчиман.

Сув насослари чашма сувини тортиб олиб, хонадонларга кранлардан узатиб беради.
Қишлоқнинг ҳатто энг чекка ҳудудига ҳам сув етказиш чораларини кўряпмиз. Энг асосийси, чашма суви қуриб қолмасин... — дейди маҳалла раиси Ҳикматилла Муродов.
Республикамизнинг аксарият ҳудудида сув муаммоси бор. Уни ҳал этишда бирдамликда ҳаракат қилиш ва имкон излаш масъуллар ва аҳолининг вазифасидир.

Қишлоқ аҳолиси билан суҳбатлашар эканмиз, эътиборимизни яна бир ҳолат ўзига тортди. Яъни, суратда кўриб турганингиздек, ҳеч бир краннинг жўмраги йўқ. Сувни тежаб-тергамасдан, соатлаб оқизиб қўйиш муаммони янада чуқурлаштирмайдими?

Унсиной Арзиқулова,
ЎзЖОКУ 3-босқич талабаси