Andijonda chaqaloqlar uchun xavfli kiyim sotilgani fosh bo'ldi
Andijon shahridagi “SMT” MСhJga qarashli “MTTY” do'konida Turkiyada ishlab chiqarilgan chaqaloq kiyimlari nazorat xaridi orqali tekshirildi. Tahlil natijasida ularda teri va salomatlik uchun xavfli moddalar aniqlandi.
Ҳодиса
64 17:53 | 04.09.2025 17:53
Akkreditatsiyadan o'tgan sinov laboratoriyasida o'tkazilgan ekspertizalarda mahsulot texnik reglament talablariga javob bermasligi ma'lum bo'ldi. Xususan:
- asosiy mato 100% paxta bo'lsa-da, dekorativ mato 100% poliefirdan tayyorlangan;
- o'ralgan biriktiruvchi tikivlar buyumning old tomonida bajarilmagan;
- dekorativ elementlar sintetik tolalardan bo'lib, bolaning bo'yin va qo'liga to'g'ridan-to'g'ri tegib turadi;
- erkin formaldegid miqdori me'yorda 20 mkg/g bo'lishi kerak bo'lsa, amalda 22,6 mkg/g chiqqan.
Mutaxassislar bunday kiyimlardan foydalanish chaqaloqlarda allergik kasalliklar va teri yallig'lanishiga olib kelishi mumkinligini ta'kidlashmoqda.
Nomuvofiq mahsulotlarni savdoga chiqargan “SMT” MСhJga nisbatan choralar ko'rilgan, mahsulotlar do'kondan chiqarilishi uchun tegishli murojaatlar yuborilgan. Masala nazoratga olingan.
Maqolaga baho bering
0/50
0
0
0
0