Qarshi shahar IIO FMB 4-sonli IIB navbatchilik qismiga joriy yilning 21-mart kuni Qashqadaryo viloyat ko'p tarmoqli tibbiyot markazi travmatologiya bo'limi binosining ikkinchi qavatga ko'tarilish zinasining tagiga noma'lum shaxs tomonidan chaqaloq tashlab ketilgani haqida xabar kelib tushgan.

Hodisa sodir bo'lgan joyga tergov-tezkor guruhi yetib borgan va hudud ko'zdan kechirilgan.

Сhaqaloq tibbiy ko'rikdan o'tkazilganda tug'ilganiga yigirma kun bo'lgani, umumiy ahvoli qoniqarli, tanasida tan jarohati belgilari aniqlanmagan.

“Hozirgi kunda chaqaloq Kitob tumanida joylashgan viloyat bolalar uyiga joylashtirilgan, sog'lom”, – deyiladi rasmiy xabarda.

Holat yuzasidan hozirda tergovga qadar tekshiruv harakatlari olib borilmoqda.