Oxirgi paytlarda bunday holatlar viloyatlar va shahar markazidagi ko'plab bozor komplekslarida ham kuzatilmoqda. Bunga katta ehtimol bilan do'kondorlarning ehtiyotsizligi, elektr tarmoqlaridagi muammolar sabab bo'lishi mumkin. Ammo qarorga muvofiq bozorlarda chaqiruv signallari o'rnatilishi, kechayu-kunduz qo'riqlash tizimi ishlashi kerakligi belgilangan. Shunday ekan nima uchun bu holatlar ko'payib bormoqda? Yoki masalaning boshqa tomoni ham bormi?

Yirik bozorlarni videokuzatuv kameralari, tashvish-chaqiruv signalizatsiyasi, yong'in signalizatsiyasi, tashvish tugmalari va xavf-xatardan ovozli xabar beruvchi uskunalar kabi xavfsizlikni ta'minlash texnik vositalari bilan jihozlash talablari bo'yicha O'zbekiston Respublikasi Vazirlar Mahkamasining “Yirik bozorlarda jamoat tartibini saqlash va yong'in xavfsizligini ta'minlash tizimini takomillashtirish chora-tadbirlari to'g'risidagi” qarorida belgilangan.

Bizda savol tug'iladi: mutasaddilar bozorlarning xavfsizligini ta'minlash borasidagi qarorga mas'uliyatsizlik bilan yondoshadimi yoki qo'riqlash tizimidagi muammolar sabab bo'lmoqdami? Yoki yongan bozorlar o'rnida bozor qaytib qurilmas degan gapning o'z tasdig'i bormi?
Bu kabi holatlarning sababiga bizning shunchaki taxminimiz emas tegishli mutasaddilarning aniq javobi kerak. Tergov ishlarining natijalari o'rganilib, tizimli yondashuv zarur. Ammo bu holatlar yuzasidan mutasaddilar jim. Zero, ro'zg'or tashvishida yurgan jabrdiyda aholini kim o'ylaydi?

Diyora Ravshanova
Ishonch.uz