Olimlar dinozavrlarni o'ldirgan meteorit zarbasidan omon qolgan hayvonlarni topishdi
Amerikalik olimlar 66 million yil avval dinozavrlarni yo'q qilgan meteorit zarbasidan omon qolgan kaltakesaklarni topishdi. Ular hali ham Shimoliy va Markaziy Amerikaning ayrim hududlarida yashashadi. Tadqiqot Biology Letters ilmiy jurnalida chop etildi.
Gap Xantusiidae oilasining mayda tungi kaltakesaklari haqida ketayapti. Molekulyar soat usulidan foydalanib, mutaxassislar zamonaviy tungi kaltakesaklarning oxirgi umumiy ajdodi taxminan 90 million yil oldin paydo bo'lganligini aniqladilar. Ularning ikkita evolyutsion chizig'i hozirda 180 kilometrlik Сhiksulub krateri joylashgan Yukatan yarim orolidagi ta'sir epitsentri yaqinidagi falokatdan omon qolishga muvaffaq bo'ldi.
«Bu kaltakesaklar, ehtimol, asteroid zarbasining eng chekkasida bo'lgan», deydi bosh muallif Сheyz Braunshteyn.
Sudralib yuruvchilarning omon qolishi hamon sirligicha qolmoqda, ammo olimlar sust metabolizm va yashirin hayot tarzi asosiy rol o'ynaganini taxmin qilmoqdalar. Ularning tana uzunligi 10 santimetrdan oshmaydi, tosh yoriqlari va daraxtlarning qobig'i ostida yashaydilar.
Bu kashfiyotning o'ziga xosligi shundaki, tungi kaltakesaklar falokatdan keyin bu mintaqada omon qolgan yagona quruqlikdagi umurtqali hayvonlardir. Boshqa tirik qolgan turlar ko'chib ketishgan yoki keyinroq nobud bo'lgan.
Maqolaga baho bering
0/50
0
0
0
0