Shunga muvofiq Parlamentda qonun loyihalari jiddiy ko'rib chiqilyapti, ularning hammasi ham bir o'qishda tasdiqlanayotgani yo'q. Xususan, bugun Senatning yalpi majlisida “Davlat ijtimoiy sug'urtasi to'g'risida”gi qonun loyihasi rad etildi.

Ta'kidlandiki, hujjat aholining ijtimoiy himoyasini yanada kuchaytirish maqsadida ishlab chiqilgan. Unda davlat ijtimoiy sug'urtasining amal qilishi, sug'urta hodisasi, sug'urtalangan shaxs, sug'urtalovchi, sug'urta qildiruvchining huquq va majburiyatlari mustahkamlangan.

Senator Husan Ermatov qonun loyihasining ayrim normalarini qayta ko'rib chiqish va qonunchilik hujjatlariga muvofiqlashtirish lozimligiga e'tibor qaratdi. Unda vakolatli organ vakolatlari va vazifalari ochib berilmagani qayd etildi.

Me'yoriy hujjatda o'ndan ortiq havolaki normalar qonunning amaliyotda to'g'ri ishlashiga xalaqit berishi ta'kidlandi. Bundan tashqari, qonun qabul qilinishi natijasida amaldagi me'yoriy hujjatlarga o'zgartirishlar kiritish masalasi ham nazarda tutilmagan.

Senatorlar kamchiliklar bartaraf etilishi lozimligi xususida o'z takliflarini bildirishdi.