O'zbekiston fuqarosini samolyotga chiqarmagan WizzAir aviakompaniyasi haqida qo'shiq va klip yaratildi
Yurtdoshimiz Suhrob Ubaydullaev 2023 yil avgust oyida Rimdagi aeroportda WizzAir aviakompaniyasi tomonidan samolyot bortiga chiqarilmagan. Sabab?.. Sabab shuki, u o'zbekistonlik bo'lgan.
Natijada Abu Dabi orqali tranzit bilan uchayotgan talabaning chiptalari kuyib ketgan, bechora bir hafta yurtma-yurt sarson bo'lib, qarzga botib, arang uyiga yetib kelgan.
Yaqinda kanadalik xonanda Devid Keroll yurtdoshimiz Suhrob Ubaydulaevni qo'llab-quvvatlab, "WIZZNESS-Class da uchmang!" nomli qo'shiq yaratib, unga klip ham suratga olib, uni Youtubga qo'ydi.
Ko'pchilik Devid Kerollni 2008 yilda “United airlines” aviakompaniyasi bilan yuzaga kelgan mojaro tufayli yaxshi biladi. O'shanda aviakompaniya xonandaning 3500 dollar turadigan gitarasini sindirib qo'ygan, ammo tovon puli to'lab bermagan. Xonanda esa bu haqda qo'shiq yozib, uni Youtubga chiqargan va kompaniyani sharmanda qilib, uning 180 million dollar zarar ko'rishiga sababchi bo'lgan.
Klipni tomosha qilish mumkin:
Don't Fly Wizzness Class by Dave Carroll (United Breaks Guitars creator's new airline protest song)
Maqolaga baho bering
0/50
0
0
0
0