Айрим ёшларга ОТМга киришда 5 фоиз қўшимча балл берилади
«Ватан таянчи» ҳаракатининг айрим аъзолари ҳамда «Ватанпарварлар» ва «Шижоат ва ғайрат» мусобақаларининг республика босқичи ғолиблари олий таълимга киришда имтиёзга эга бўлади.
Янги тартибга кўра:
Ҳар бир «Ватан таянчи» отрядидан мактаб, Президент, ижод, спорт ва ихтисослаштирилган мактаблар, мактаб-интернат, академик лицей ёки техникумни аъло баҳолар билан тамомлаган 1 нафар фаол аъзога тавсиянома берилади.
«Жасорат мактаби»ни аъло баҳолар билан битирган ҳар бир отряддан 1 нафар аъзо ҳам тавсиянома олиши мумкин.
«Ватанпарварлар» ҳарбий-спорт мусобақасининг республика босқичида 1-ўринни олган жамоа аъзоларига;
«Шижоат ва ғайрат» мусобақасининг республика босқичи ғолиб жамоаси аъзоларига ҳам тавсиянома берилади.
Тавсиянома эгалари олий ҳарбий, ҳарбийлаштирилган ва юридик таълим муассасаларига киришда тест ёки якуний суҳбатда тўплаган балининг 5 фоизи миқдорида қўшимча балл олади.
Энг муҳими, тавсиянома 3 йил давомида амал қилади.
Ҳужжат Адлия вазирлиги томонидан 2026 йил 26 августда 3931-сон билан давлат рўйхатидан ўтказилган.
