Баъзида давлатлар бюджетни тўлдириш учун солиқларнинг “ўзгача” йўлларини ўйлаб топишади. Қуйида айрим давлатларда қўлланиладиган ғалати солиқларни келтириб ўтамиз.

Болага исм қўйиш солиғи – Швеция

Болага исм танлаш осон эмас, айниқса жараёнда учинчи шахс - солиқ хизмати иштирок этса. Швецияда исм солиқ органлари томонидан тасдиқланиши керак. Фарзандига ғалати ёки талаффузи қийин исм қўйган ота-оналар 6000 крона атрофида солиқ тўлашлари керак бўлади. Қизиғи, фарзандга бепул “Google” ёки “Lego” исмларини қўйишга рухсат берилган. Солиқ дастлаб 1982 йилда қиролликдаги исмларига бўлган ҳуқуқни таъминлаш учун пайдо бўлган. Швецияда солиқлар билан боғлиқ яна жуда кўп ҳолатлар рўй бериб туради. Масалан, 2007 йилда оилалардан бири ўз қизига “Металлика” исмини текин қўйиш ҳуқуқи учун солиқ идораси билан баҳслашди, ўшанда апелляция биринчи тасдиқланган тақиқни бекор қилди. 2018 йилда судга фамилияга жуда ўхшаш “Форд” исмини тақиқлаш бўйича иш келиб тушди. Айтганча, Швецияда турмуш қурмоқчи бўлганлар ҳам рухсат олиш учун солиқ идорасига боришади.

Блогерлар учун катта солиқ – Танзания

Танзаниянинг машҳур блогерлари ҳақида эшитмаганмиз, лекин улар 2018 йилда мамлакатда ариза учун 44 доллар, лицензия учун 400 доллар ва контент муаллифидан яна шунча йиллик тўловдан иборат блог солиғи пайдо бўлди.

Кинони уйда томоша қилса ҳам бўлади – Ҳиндистон

Бу ерда барча кино намойишлари, томошалар, кўргазмалар, спорт тадбирлари солиққа тортилади. Солиқ ҳажми чипта нархининг 5 фоизидан 30 фоизгача. Агар буни театр чипталари нархига қўшсангиз, биринчи қаторга умид қилмасангиз ҳам бўлади.

Яширилган бассейнлар – Греция

Агар сиз Грецияга кўчиб ўтишни ўйлаётган бўлсангиз, бассейнсиз уйни танланг. Акс ҳолда, йилига тахминан 800 евро солиқ тўлаш керак бўлади, чунки сузиш ҳавзаси ҳашамат ҳисобланади ва солиққа тортилади. Грек ҳовлилари бўйлаб эҳтиёт бўлиб юриш керак, йўқса, яширинган майса рангли брезент билан қопланган ҳовузга тушиб кетиш эҳтимоли катта.

Атроф-муҳитга қарши сигирлар –Эстония

Фермер хўжаликлари миқёси замонавий экологик вазиятни бузмоқда. 2008 йилдан бери эстонияликлар сигирлари ишлаб чиқарадиган метан учун солиқ тўлашади. Айтганча, бюджет яхши тўлдирилмоқда, чунки мамлакатда жуда кўп фермер хўжаликлари бор.

Ресторандаги кабоб арзонроқ – Белгия

Мамлакатнинг бир минтақасида барбекю тайёрлаш солиққа тортилади. “Шашлик” пишириб дала сайли ўтказишга қарор қилганлар тахминан 20 евро тўлашлари керак. Ҳатто ёпиқ майдоннинг мавжудлиги ёрдам бермайди: тартиб экология бузилишини олдини олиб учиб юрадиган вертолётлар ёрдамида назорат қилинади.

Итлар солиғи – Германия

Йўқ, бу мамлакатдаги солиқларнинг мажозий тавсифи эмас: уй ҳайвонлари бор немислар солиқ тўлашади. Зотга қараб, тукли дўстингиз учун йилига 30 дан 700 еврогача тўлашингиз керак. Демак, ҳамманинг ҳам чўнтаги “кичик дўстлар”ни кўтара олмас эканда.

Хўш, сиз қандай антиқа солиқлар ҳақида биласиз?

Мадина Пўлат қизи
Ishonch.uz