АҚШнинг миллиардер тадбиркори Илон Маск янги сайланган президент Доналд Трaмп ва ўзини ўзгариш учун халқнинг мандатига эга эканликларини даъво қилди.

“Оммавийлик бизга жуда аниқ бўлган мандат берди. Халқ ўз сўзини айтди, халқ ўзгаришларни хоҳлайди” деди Маск Флорида штатидаги Трампнинг Мар-а-Лаго мулкида бўлиб ўтган Аmerica First Policy Institute галасида. Маск ҳазил тариқасида, таъсирли инвестор Жорж Соросдан фарқли равишда, Республикачиларни қўллаб-қувватлаганини айтиб, ўзини “Ўнг қанотнинг Жорж Сороси” деб атади.

NBC News аввалроқ манбаларга таяниб, Трaмпнинг яқин атрофидагилар орасида Маскнинг хатти-ҳаракатлари ёқмаётганини хабар қилган эди. Нашр манбалардан бирининг сўзларини келтириб, “У ўзини гўё қўшма президентдек тутяпти ва буни ҳамма билишини таъминлаяпти”, деганини ёзди.

Трaмп аввалроқ Маск ва тадбиркор Вивек Рамасвамини ўзининг янги маъмуриятида Ҳукумат самарадорлиги департаментини бошқаришга тайинлаганини эълон қилган эди. АҚШнинг янги сайланган президенти ушбу идора Оқ уй ва унинг Бюджет бошқаруви идораси билан биргаликда “кенг кўламли таркибий ислоҳотлар”ни амалга ошириши ҳақида маълум қилди. Трaмпнинг сўзларига кўра, “янада кичикроқ ҳукумат, юқори самарадорлик ва камроқ бюрократия 2026 йил 4-июл куни Мустақиллик декларациясининг 250 йиллиги муносабати билан Америкага мукаммал совға бўлади”.

Машҳура ЖЎРАҚУЛОВА

ishonch.uz