Ўша кунларда озодлик, миллий шаън ва инсоний қадр-қимматни ҳамма нарсадан устун қўйган жасур инсонлар жонларини фидо этиб, шаҳидлик мақомига ўтдилар. Катта талафотлар ва бегуноҳ инсонларнинг ҳалок бўлиши билан кечган 20 январ фожиаси СССРнинг раҳбарлигида олиб борилган сиёсатга бўйин эгмаган, эркинлик ва мустақилликка интилган озарбайжон халқининг мардлиги, қатъияти ва ғурурини яна бир бор намоён этди.

1990 йил 19 январдан 20 январга ўтар кечаси фавқулодда ҳолат эълон қилинмасдан Совет армияси Озарбайжонга қарши ҳарбий амалиётларни бошлади. Натижада 147 киши ҳалок бўлди, 744 киши оғир тан жароҳати олди, 841 киши ноқонуний равишда ҳибсга олинди. Шунингдек, 200 дан ортиқ квартира ва уйлар, шахсий ҳамда давлат мулки вайрон қилинди.

Ушбу қонли воқеаларга биринчи бўлиб муносабат билдирган шахс умуммиллий етакчи – Ҳайдар Алиев бўлди. У 1990 йил 21 январда Москвадаги Озарбайжоннинг доимий ваколатхонасида қилган баёнотида мазкур ҳодисани ҳуқуқ, демократия ва инсонпарварлик тамойилларига мутлақо зид деб баҳолади ҳамда бу жиноятни содир этган шахсларни кескин танқид қилди.

1990 йил 20 январь Озарбайжоннинг мустақиллиги ва ҳудудий яхлитлиги йўлидаги кураш тарихида қаҳрамонона саҳифага айланди. Орадан йиллар ўтса-да, халқ бу даҳшатли тунни ҳеч қачон унутмайди. 20 Январ фожиаси қурбонларини хотирлаш мақсадида ушбу сана Озарбайжонда «Умумхалқ мотам куни» деб эълон қилинган.

Бугун мамлакатда шаҳидлар хотираси эъзозланади. Чунки улар жон фидо қилган Озарбайжон 44 кунлик Ватан урушида ғалаба қозониб, ўз ҳудудий яхлитлигини тиклади. Шаҳидларнинг порлоқ хотираси доимо халқ қалбида яшайди.