Тошкент ҳар куни 250 тонна чанг ва заҳар қуршовида
Бир соат тирбандликда турсангиз, тахминан 4 та сигарет чеккандек зарарланасиз. Сабаби, шу вақт ичида сиз 3-4 та тамаки маҳсулотига тенг бўлган ПМ2.5 майда заррачали заҳарли ҳавони ютасиз.
Автоуловлардан ҳаракатланиш нафақат табиатимизга, балки инсон саломатлигига жиддий салбий таъсир кўрсатади. Битта автомобил бир кунда 10-12 литр бензин ёнилғиси ишлатади ва атмосфера ҳавосига 25 килограммча зарарли кимёвий бирикмаларни чиқаради. Бир кунда Тошкентда 1 млнга яқин автомобил ҳаракатланса, ҳавога 250 тонна заҳарли газ чиқади. Соддароқ тушунишингиз учун, бу тахминан 42 та камаз юкига тенг. Яъни автомобиллар сабаб ҳавога чиқарилаётган шунча заҳарли моддалардан биз нафас оламиз.
Бу учун биз нима қилишимиз керак?
Автомобиллардан эмас, электомобиллардан фойдаланиш, кўпроқ жамоат транспортларида ёки пиёда юриш орқали заҳарли ҳаво массаларини камайтиришимиз мумкин. Қолаверса, тоқ, жуфт кунларидаги автомобиллар ҳаракатланиши ҳавога чиқаётган зарарли моддаларни 50 фоизга камайтиради.
Ҳўш, сиз бунга қандай ҳиссангизни қўшмоқдасиз? Жамоат транспортларидан фойдаланибми, ёки ҳафтанинг тоқ, жуфт кунларидаги автомобиллар ҳаракатланиши қоидасига амал қилган ҳолдами?
Долзарб мавзулар
Mақолага баҳо беринг
0/50
0
0
0
0