Маълум қилинишича, 133-умумтаълим мактабининг 11-А синф ўқувчиси, 2007 йил 3 июль куни туғилган А.М. 27 сентябр куни синфдошлари билан соат 20:00 ларда овқатланишга, ундан сўнг 21:00-22:00 лар атрофида тумандаги 134-мактаб спорт майдонига футбол ўйнагани борган.

Футбол ўйнаб бўлгандан сўнг кетмоқчи бўлиб туришганда А.М. футбол дарвозасига осилган, мувозанатни ушлолмай чалқанча йиқилган. Боланинг устига дарвоза тушиб, тагида қолган, ўқувчилар дарвозани кўтариб, тез ёрдам чақирган.

40 дақиқада тез ёрдам келган, боланинг отасини чақиришган. Улар болани “СамПИ”га олиб борган, реанимацияга олиб кириб кетишаётганда соат 23:45 ларда “қорин ёпиқ жароҳати, жигар ёрилиши, жигар венаси узилиши, ички қон кетиши, травматик шок” натижасида вафот этган.
Мазкур ҳолат юзасидан Олмазор тумани прокуратураси томонидан терговга қадар текширув ҳаракатлари олиб борилмоқда.