“Uzbekistan Airways” ниҳоят самолёт ва автобус тўқнашуви ҳақида ахборот берди
Бу ҳақдаги хабарлар 17 ноябрдаёқ айрим телеграм каналларда тарқалган, бироқ шу кунга қадар бу ҳодиса тафсилотлари ҳақида расмий маълумот йўқ эди.
Жорий йилнинг 17 ноябр куни ижтимоий тармоқларда Тошкент халқаро аэропортида Airbus 320 самолёти ва аэропортнинг учиш-қўниш йўлагида хизмат қилувчи автобус тўқнашиб кетгани ҳақида хабарлар, шунингдек, тўқнашувда зарар етган самолёт сурати тарқалган эди.
Воқеадан 5 кун ўтиб “Uzbekistan Airways” компанияси ахборот хизмати “тилга кирди”.
Расмий маълумотда айтилишича,Ю жорий йил 17 ноябрь куни Airbus 320 ҳаво кемаси HY054 Урганч – Тошкент рейсини бажаргандан сўнг авиакомпанияси мутахассислари томонидан навбатдаги рейсни амалга ошириш учун тайёрланаётган пайтда аэропорт автобусининг ҳайдовчиси аэродром ҳудудида ҳаракатланиш қоидаларини бузган ҳолда ҳаво кемаси билан тўқнашиб кетган.
Натижада самолётнинг агрегатлари ҳаракатланаётганда ҳаво қаршилигини камайтиришга ёрдам берадиган қисми (носовой обтекатель) шикастланган.
“Uzbekistan Airways Technics мутахассислари ҳаво кемасининг шикастланган қисмини алмаштириш бўйича таъмирлаш ишларини олиб боришди. Жорий йилнинг 18-ноябр куни ҳаво кемасига парвозларга рухсат берилди. Соат 14:30 да Аирбус А320Нео жадвалга мувофиқ парвозларни амалга оширишни бошлади”, – дейилади расмий ахборотда.
Долзарб мавзулар
Mақолага баҳо беринг
0/50
0
0
0
0