Joriy yilning 17 noyabr kuni ijtimoiy tarmoqlarda Toshkent xalqaro aeroportida Airbus 320 samolyoti va aeroportning uchish-qo'nish yo'lagida xizmat qiluvchi avtobus to'qnashib ketgani haqida xabarlar, shuningdek, to'qnashuvda zarar yetgan samolyot surati tarqalgan edi.

Voqeadan 5 kun o'tib “Uzbekistan Airways” kompaniyasi axborot xizmati “tilga kirdi”.
Rasmiy ma'lumotda aytilishicha,Yu joriy yil 17 noyabr' kuni Airbus 320 havo kemasi HY054 Urganch – Toshkent reysini bajargandan so'ng aviakompaniyasi mutaxassislari tomonidan navbatdagi reysni amalga oshirish uchun tayyorlanayotgan paytda aeroport avtobusining haydovchisi aerodrom hududida harakatlanish qoidalarini buzgan holda havo kemasi bilan to'qnashib ketgan.

Natijada samolyotning agregatlari harakatlanayotganda havo qarshiligini kamaytirishga yordam beradigan qismi (nosovoy obtekatel') shikastlangan.

“Uzbekistan Airways Technics mutaxassislari havo kemasining shikastlangan qismini almashtirish bo'yicha ta'mirlash ishlarini olib borishdi. Joriy yilning 18-noyabr kuni havo kemasiga parvozlarga ruxsat berildi. Soat 14:30 da Airbus A320Neo jadvalga muvofiq parvozlarni amalga oshirishni boshladi”, – deyiladi rasmiy axborotda.