Bo'stonliq tumanidagi sihatgohlarning birida hamshira bo'lib ishlovchi Sitora tug'ruq ta'tilidan so'ng ishsiz qolmaslik maqsadida, bu shartga rozi bo'ldi. Shundan so'ng, ish beruvchi tomonidan "O'z arizasiga binoan to'lov rad etildi” degan mazmundagi buyruq ham chiqarildi.

Oilasidagilarning nima uchun unga homiladorlik va tug'ish nafaqasi to'lanmaganligi haqidagi savollariga javob bera olmagan Sitora noiloj turmush o'rtog'iga bor gapni aytib berdi. Turmush o'rtog'i ona va bola uchun ajratiladigan nafaqani olishga hech bir shaxsning haqqi yo'qligini aytib, bu masalani qonuniy tarzda hal etishda yordam so'rab, O'zbekiston kasaba uyushmalari Federatsiyasiga murojaat yo'lladi.

Murojaatni o'rganishga kirishgan O'zbekiston kasaba uyushmalari Federatsiyasining Toshkent viloyati kengashi inspektori holatni to'liq oydinlashtirishga erishdi. Rahbarga kiritilgan ko'rsatma xatidan so'ng, murojaatchiga homiladorlik va tug'ish ta'tili uchun salkam 14 mln. so'm mablag' to'lab berildi. Murojaati qonuniy yechim topganidan quvongan yosh oila kasaba uyushmalariga minnatdorlik bildirdi.

Mashrab Mirzaev,
O'zbekiston kasaba uyushmalari Federatsiyasi
Toshkent viloyati kengashi mehnat-huquq inspektori.