Ilgari suv to'lib oqqan ariqlar quridi. Sabzavot va poliz ekinlari ekib kun ko'radigan xalqning yashashi qiyinlashdi. "O'zing uchun o'l, yetim" deganlaridek, buloqqa suv motorlarini o'rnatib, ekin sug'orish, o'zganing kranini uzib, o'zinikini ulab olish holatlari ham kuzatilyapti. Bu esa aholi o'rtasida turli ziddiyatlarni keltirib chiqaryapti.

— Mahalla ahli bilan kelishgan holda, buloqdagi barcha suv motorlari va quvurlarini olib tashlab, har bir xo'jalikka yangi suv bashnyalarini qurdirmoqchiman.

Suv nasoslari chashma suvini tortib olib, xonadonlarga kranlardan uzatib beradi.
Qishloqning hatto eng chekka hududiga ham suv yetkazish choralarini ko'ryapmiz. Eng asosiysi, chashma suvi qurib qolmasin... — deydi mahalla raisi Hikmatilla Murodov.
Respublikamizning aksariyat hududida suv muammosi bor. Uni hal etishda birdamlikda harakat qilish va imkon izlash mas'ullar va aholining vazifasidir.

Qishloq aholisi bilan suhbatlashar ekanmiz, e'tiborimizni yana bir holat o'ziga tortdi. Ya'ni, suratda ko'rib turganingizdek, hech bir kranning jo'mragi yo'q. Suvni tejab-tergamasdan, soatlab oqizib qo'yish muammoni yanada chuqurlashtirmaydimi?

Unsinoy Arziqulova,
O'zJOKU 3-bosqich talabasi