+25c

Xalqimizda «O‘zbek pul topsa, to‘y qiladi» degan gap bor. Uning zamirida yurtdoshlarimizning mehmondo‘stligi, saxovati va quvonchini boshqalar bilan birga baham ko‘rishga bo‘lgan ishtiyoqi mujassamlashgan. Chunki to‘y-maʼrakalar asrlar osha oilalarni, qarindosh-urug‘larni, mahalla va qo‘ni-qo‘shnilarni birlashtirib kelgan. Biroq bu go‘zal anʼana oxirgi paytlarda chegarasidan ancha chetga chiqib ketgan, to‘y-marosimlar asl maʼno-mazmunini birmuncha yo‘qotib, kimo‘zar poygasiga aylanib qolgandi.