Ushbu maqolani Oliy Majlis Qonunchilik palatasi e'tiborsiz qoldirmadi.
Xususan, tahririyatga Ekologiya va atrof-muhitni muhofaza qilish masalalari qo'mitasi raisi o'rinbosari imzosi bilan quyidagi mazmunda javob xati keldi:

«Bilim karvoni» nodavlat ilmiy muassasasi direktori, siyosatshunos Farhod Tolipovning «Ekologiyaga yangi tizimli yondashuv zarur» sarlavhali maqolasi Oliy Majlis Qonunchilik palatasi Ekologiya va atrof-muhitni muhofaza qilish masalalari qo'mitasi tomonidan o'rganib chiqildi.

Maqolada keltirilgan takliflarni qo'mita deputatlari qonun ijodkorligi hamda nazorat-tahlil tadbirlari davomida inobatga olishini ma'lum qilamiz.

Bugungi global iqlim o'zgarishi sharoitida ekologik muammolarga befarq bo'lmaganingiz, aholi o'rtasida mazkur masalaga daxldorlik tuyg'usini shakllantirishda amalga oshirayotgan xayrli ishlaringiz va takliflaringiz uchun gazeta tahririyatiga hamda maqola muallifiga minnatdorlik bildiramiz».

Oliy Majlis Qonunchilik palatasining
Ekologiya va atrof-muhitni muhofaza
qilish masalalari qo'mitasi raisi o'rinbosari T.Xo'janazarov