Endi xususiy sektorda ishlovchi ayollarga ham homiladorlik nafaqasi davlat tomonidan to'lanadi
2026 yildan boshlab homiladorlik nafaqasi Ijtimoiy himoya jamg'armasi tomonidan to'lab boriladi. Xuddi shu yilning ikkinchi yarmidan esa vaqtincha mehnatga layoqatsizlik, ya'ni kasallik varaqasi bo'yicha nafaqalarning to'lanishi ham Ijtimoiy himoya jamg'armasiga o'tkaziladi.
Oddiy qilib aytganda, endilikda homiladorlik va mehnatga layoqatsizlik nafaqalarini ish beruvchi emas, balki davlat to'laydi.
Xususiy sektorda, ya'ni davlatga tegishli bo'lmagan korxona va tashkilotlarda ishlayotganlar soni rasman 3 million 600 ming nafardan ortiq.
Tizim ishga tushishi bilan, ya'ni 1 yanvardan boshlab xususiy sektorda ishlaydigan ayollar ham tug'uruq ta'tiliga chiqqan taqdirda ijtimoiy sug'urta orqali nafaqa olish imkoniyatiga ega bo'ladi.
Nafaqa miqdori ish stajiga bog'liq bo'lib, fuqarolar yoki tadbirkorlar tomonidan to'langan ijtimoiy soliq va daromad solig'i miqdoriga qarab belgilanadi. Ish stajidan kelib chiqib nafaqa miqdori ham o'zgaruvchan bo'ladi.
Shuningdek, endilikda yollanma ishchi sifatida mehnat qilayotgan va kasal bo'lib qolgan fuqarolar ham daromadini yo'qotmaydi, chunki ijtimoiy sug'urta orqali ularning yo'qotilgan daromadini qoplash imkoniyati yaratilmoqda.
Bu tizim 2026 yil 1 iyuldan ishga tushiriladi.
Maqolaga baho bering
0/50
0
0
0
0