Savol: Xodim 3 marta jiddiy tushuntirish xati yozdi. Endi unga qanday jazo ko'llanishi kerak?

Savolga huquqshunos Muhammadamin Karimjonov javob beradi.

— Xodim bir necha marotaba tushuntirish xati yozgan bo'lsa, buning o'zi intizomiy jazo chorasini avtomatik tarzda belgilashga asos bo'lmaydi. Mehnat kodeksining 313-moddasiga ko'ra, intizomiy jazo chorasini tanlash huquqi to'liq ish beruvchiga tegishli.

Jazo turini belgilashda ish beruvchi quyidagilarni inobatga olishi shart:

• sodir etilgan intizomiy xatoning og'irligi,
• xatoning yuz berish sharoiti,
• xodimning avvalgi ish faoliyati va xulq-atvori,
• xodimning oldingi intizomiy jazolari bor-yo'qligi.

Mehnat kodeksining 312-moddasiga muvofiq, ish beruvchi quyidagi uch turdagi intizomiy jazolardan birini qo'llashi mumkin:

1. hayfsan;
2. o'rtacha oylik ish haqining 30 foizidan oshmaydigan jarima (ichkі tartib-qoidalarda bu miqdor 50 foizgacha ko'tarilishi mumkin);
3. mehnat shartnomasini bekor qilish (MK 161-modda, 2-qism, 4 va 5-bandlarda belgilangan asoslar bo'yicha).
Demak, 3 ta tushuntirish xati fakt hisoblanadi, ammo jazo avtomat emas — ish beruvchi vaziyatdan kelib chiqib qonun doirasida munosib jazo turini tanlaydi.