Бекободлик ўқитувчилар 5 ойда адолатга эришди
Ўтган йилнинг август ойида Бекобод туманидаги 61-сонли умумтаълим мактаби фаолияти тугатилди. Мактаб ходимлари улар билан тузилган меҳнат шартномаси бекор қилиниши ҳақида огоҳлантирилди. Бироқ, буйруқларда акс этган компенсация тўловлари 8 нафар ходимга тўлаб берилмади.
Аслида, иш берувчи меҳнат шартномасини икки ойлик огоҳлантириш муддатини пулли компенсацияга алмаштириш тўғрисидаги аризага асосан бекор қилган бўлиб, буйруқ дарҳол ижро этилиши керак эди.
– Ушбу буйруқларда Меҳнат кодексининг 165-моддаси 3-қисми ҳамда 173-моддага асосан ишдан бўшатиш нафақаси тўланишини кўрсатилган, – дейди Таълим ва фан ходималри касаба уюшмаси Бекобод тумани бўлинмаси кенгаши раиси Алишер Султонов. – Бироқ, 8 кишига компенсация тўлаб берилмади. Бекобод тумани мактаб ва мактабгача таълим бўлимига бу маблағларни ундириш ҳақида хат чиқарганмиз, лекин унинг ижроси таъминланмади.
Маблағнинг тўлаб берилишидан ҳеч дарак бўлмаганидан сўнг, ходимлар Ўзбекистон касаба уюшмалари Федерациясига мурожаат қилишди. Ўзбекистон таълим ва фан ходимлари касаба уюшмаси республика кенгаши масъулларининг саъй ҳаракатлари билан иш судга оширилди. Бўлиб ўтган суд мажлисларининг бирида ходимларга 30 млн сўмдан зиёд компенсация маблағларининг ундирилиши тўғрисидаги буйруқ чиқарилди.
Равшаной Газиева,
Таълим ва фан ходимлари касаба уюшмаси
Тошкент вилояти кенгаши масъул ташкилотчиси
Долзарб мавзулар
Mақолага баҳо беринг
0/50
0
0
0
0