Қайси интизомий жазо олиб ташланиши керак?

Агар ходимга бир нечта интизомий жазо қўлланилган бўлса (масалан, 2025 йил сентябрда ҳайфсан ва декабрда жарима), иш берувчи ходимни байрам муносабати билан рағбатлантиришни режалаштирса, барча амалдаги интизомий жазоларни олиб ташлаши мақсадга мувофиқ.

Агар икки жазо ҳам бекор қилинса — ходим байрам муносабати билан бериладиган мукофот ва рағбатлантириш чораларини олиш ҳуқуқига эга бўлади.

Агар фақат битта жазо олиб ташланса — иккинчи жазо амалда қолади ва бу ҳолатда ходимга рағбатлантириш чоралари қўлланилмайди.
Бу тартибга кўра, интизомий жазонинг амал қилиш муддати давомида ходимга меҳнатга ҳақ тўлаш тизимига кирмайдиган, меҳнат натижаларига боғлиқ бўлмаган мукофотлар (байрам, юбилей ва бошқа рағбатлантиришлар) берилмайди.

Интизомий жазони муддатидан олдин олиб ташлаш ҳуқуқи

Ўзбекистон Республикаси Меҳнат кодекси талабларига мувофиқ:

• иш берувчи интизомий жазони исталган вақтда муддатидан олдин олиб ташлаш ҳуқуқига эга;
• мазкур қарор иш берувчининг буйруғи билан расмийлаштирилади;
• асос сифатида ходимнинг илтимосномаси, иш берувчи ташаббуси, касаба уюшмаси ёки бевосита раҳбарнинг таклифи бўлиши мумкин.

Шу боис, ходимни Рамазон муносабати билан мукофотлаш режалаштирилса, аввал унга нисбатан қўлланилган интизомий жазолар бекор қилиниши зарур.

Рамазон ойи муносабати билан байрамни кўтаринки руҳда ўтказиш, ходимларни қўллаб-қувватлаш ҳамда ташкилотда соғлом меҳнат муҳитини янада яхшилашга қаратилган муҳим эслатма!Интизомий жазони олиб ташлаш учун ходим алоҳида ютуқ ёки фавқулодда натижа кўрсатиши шарт эмас.Иш берувчи интизомий жазоси мавжуд исталган ходимга нисбатан жазони бир йиллик муддат тугамасидан олдин исталган вақтда бекор қилиш ҳуқуқига эга. Агар ходимга байрам мукофоти бериш режалаштирилса, амалдаги барча интизомий жазоларни бекор қилиш мақсадга мувофиқ.