Ўзбекистонда Америка технологиялар университети ташкил этилиши мумкин

Бу ҳақда кеча, 18 сентябрь куни Нью-Йоркда бўлиб ўтган Ўзбекистон Президенти ҳамда “Cintana” компанияси раҳбари Дуглас Беккер учрашувида маълум қилинди.

Қайд этилишича, 2024 йилдан бошлаб соғлиқни сақлаш, инжиниринг, архитектура ва дизайн каби йўналишларда малакали кадрлар тайёрлашни бошлаш ҳам кўзда тутилмоқда.

Шавкат Мирзиёев ушбу режаларни маъқуллаб, Ўзбекистон таълим соҳасидаги лойиҳаларни амалга ошириш учун қулай шароитлар яратишга тайёрлигини билдирди.

Маълумот учун, ушбу компания Аризона давлат университети билан ҳамкорликда ташкил этилган бўлиб, дунёнинг 30 мамлакатида фаолият юритади, университетларда таълим сифатини ошириш билан шуғулланади.