“Биргина қўнғироқ ҳаммасини ўзгартирди” – сарсон бўлган она
Пойтахтдан Тошкент вилоятининг Юқори Чирчиқ туманига келин бўлиб тушганман. Аммо кўп ўтмай, икки фарзандим билан ота уйимга қайтиб келдим. Турмуш ўртоғим анча пайтгача болаларимга, рўзғорга ҳам қарашай демади.
Шундан сўнг, алимент ундириш бўйича уни судга бердим. Суд қарамоғимда икки нафар фарзандим борлиги ва бир қанча сабабларни инобатга олиб, алимент ундириш бўйича қарор чиқарди. Лекин собиқ турмуш ўртоғим буни писанд қилмай юраверди. Мажбурий ижро бюросига ҳар сафарги мурожаатим қуруқ ваъдалар билан қайтарилавергач, Ўзбекистон касаба уюшмлари Федерациясининг 1211-Ишонч телефонига қўнғироқ қилдим. Шундан сўнг, тезда ўнгланиш бўлди. Алиментдан қардорлик миқдори қайта ҳисоб-китоб қилинди, у нақ 34 млн сўм бўлиб кетган экан. Ҳеч қанча вақт ўтмай, менга 6 млн сўм ундириб беришди.
Қолган қисми қачон ундирилишини сўраганимда, қарздор алимент пулларини тўлашдан бўйин товлаб келганлиги учун унинг иши туман судига юборилганлигини айтишди. Эндиликда бу иш суд жараёнида бўлганлиги сабабли қолган маблағнинг босқима-босқич тўлаб берилишини билдиришди.
Агар 1211 Ишонч телефонига қўнғироқ қилмаганимда ишлар бу қадар жадаллашмаслиги аниқ эди. Картамга тушириб берилган 6 млн сўм пул рўзғоримнинг камига яради. Касаба уюшмаларига катта раҳмат!
Наргиза Абдусатторова,
Тошкент шаҳри
Maqolaga baho bering
0/50
0
0
0
0