Buyuk qirg'iz yozuvchisi, ulkan iste'dod sohibi bo'lgan Shingiz Aytmatovga esa ana shunday baxt nasib etgan. Kecha, 12 dekabr' — Shingiz Aytmatov tavalludining 97 yilligi munosabati bilan poytaxtimizning Yunusobod tumanidagi Shingiz Aytmatov ko'chasida joylashgan yozuvchi yodgorligi poyiga gul qo'yish marosimi bo'lib o'tdi.

Marosimni Qirg'iz Respublikasining O'zbekistondagi elchisi Duyshonkul Shotonov va O'zbekiston Yozuvchilar uyushmasi raisi Sirojiddin Sayyid ochib berdi. So'ngra yodgorlik poyiga gul qo'yish marosimi bo'lib o'tdi.

Tadbirda “O'zbekiston–Qirg'iziston” do'stlik jamiyati vakillari, O'zbekistondagi qirg'iz milliy-madaniy markazi jamoasi
hamda Toshkentda istiqomat qilib kelayotgan qirg'iz millatiga mansub fuqarolar, adabiy jamoatchilik ishtirok etdi.

– Shingiz og'ani biz o'zimizning tug'ishgan yozuvchimizday ko'ramiz, chunki qiyin zamonlarda markazdagi minbarlarda turib o'zbek xalqining sha'nini himoya qilgan birinchi qardoshimiz, – deydi tadbirda so'zga chiqqan Yozuvchilar uyushmasi raisi Sirojiddin Sayyid.

Tadbir davomida ko'plab jamoatchilik faollari ham yozuvchi haqida o'z xotiralari va asarlari haqidagi iliq fikrlarini aytib, ikki xalq o'rtasidagi do'stlik abadiy bo'lishini tiladi.

Ma'lumot o'rnida, buyuk qirg'iz adibi Shingiz Aytmatov yodgorligi O'zbekiston Respublikasi Prezidenti Shavkat Mirziyoev tashabbusi bilan 2018 yil 21 noyabr' kuni o'rnatilgan.

Gulhayyo PRIMOvA, O'zJOKU talabasi