Majburiy "progul" qoplanmasa nima bo'ladi?
Савол: Суд менинг мажбурий бекор туриб қолган кунларим(прогул) учун маблағ ундириш бўйича қарор чиқарган. Бироқ, иш берувчи бу маблағни тўлаб бермаяпти. Бундай ҳолатда иш берувчига чора кўриладими?
Savol: Sud mening majburiy bekor turib qolgan kunlarim(progul) uchun mablag' undirish bo'yicha qaror chiqargan. Biroq, ish beruvchi bu mablag'ni to'lab bermayapti. Bunday holatda ish beruvchiga chora ko'riladimi?
Savolga O'zbekiston kasaba uyushmalari Federatsiyasining Toshkent viloyati kengashi mehnat-huquq inspektori Mashrab Mirzaev quyidagicha javob berdi:
- Mehnat kodeksining 569-moddasiga muvofiq, ish beruvchi bilan tuzilgan mehnat shartnomasi g'ayriqonuniy ravishda bekor qilingan xodimni ishga tiklash, shuningdek mehnat shartnomasini bekor qilish asoslarining ta'rifini o'zgartirish to'g'risidagi sud qarori yoxud g'ayriqonuniy ravishda boshqa ishga o'tkazilgan xodimni avvalgi ishiga tiklash haqidagi yoxud g'ayriqonuniy ravishda ishdan chetlashtirilgan xodimga avvalgi ishini berish to'g'risidagi yakka tartibdagi mehnat nizolarini ko'rib chiquvchi organning qarori darhol ijro etilishi lozim.
Ish beruvchi mehnat nizolari bo'yicha komissiyaning qarorini o'z vaqtida ijro etmagan taqdirda, g'ayriqonuniy ravishda boshqa ishga o'tkazilgan yoki g'ayriqonuniy ravishda ishdan chetlashtirilgan xodim o'ziga ish beruvchi tomonidan komissiya qarorining ijrosi kechiktirilishi sabab bo'lgan majburiy progulning butun vaqti uchun o'rtacha ish haqi yoki ish haqidagi farq to'lanishini talab qilib, sudga murojaat etishga haqli.
MKning 333-moddasiga ko'ra, ish beruvchi ish haqini, ta'til to'lovlarini, mehnat shartnomasi bekor qilingandagi to'lovlarni va (yoki) xodimga to'lanishi lozim bo'lgan boshqa to'lovlarni to'lash muddatini buzgan taqdirda, ularni to'lov muddatidan keyingi kundan e'tiboran to haqiqatda hisob-kitob qilingan kunni o'z ichiga olgan muddatgacha har bir kechiktirilgan kun uchun O'zbekiston Respublikasi Markaziy bankining o'sha vaqtda amalda bo'lgan qayta moliyalashtirish stavkasidan kelib chiqqan holda foizlar (pulli kompensatsiya) bilan birga to'lashi shart. Xodimga to'lanishi lozim bo'lgan pulli kompensatsiyaning miqdori O'zbekiston Respublikasi Markaziy banki qayta moliyalash stavkasining o'n foizi miqdorida belgilanadi.
Maqolaga baho bering
0/50
0
0
0
0