Sarosimada qolgan B.Buvanazarov, Shinoz tumani Adliya bo'limi, Mehnat inspektsiyasi hamda O'zbekiston kasaba uyushmalari Federatsiyasiga murojaat qildi. Bu ish O'zbekiston sog'liqni saqlash xodimlari kasaba uyushmasi respublika kengashining Toshkent viloyati inspektori tomonidan o'rganishga kirishildi. Aniqlanishicha, mehnat shartnomasiga doir qo'shimcha kelishuv xodimning imzosi bilan rasmiylashtirilmagan. Bundan tashqari, arizani ham xodimning o'zi yozmagan. Shuningdek, u bilan mehnat shartnomasi bekor qilingan vaqtda mehnatga layoqatsizlik davrida bo'lganligi o'z isbotini topdi.

Ushbu holatlar natijasida O'zbekiston Respublikasi Konstitutsiyasining 31-moddasi, Mehnat kodeksining 8-moddasi hamda O'zbekiston Respublikasi “Kasaba uyushmalari to'g'risida”gi Qonunning 35, 46-moddalari talablari buzilganligi va uni darhol tuzatish bo'yicha ish beruvchiga taqdimnoma kiritildi. Biroq, ish beruvchi bu talablarni bajarmadi. Shundan so'ng ish sudga oshirildi.

Nizolardan iborat, naq yetti marta bo'lib o'tgan sud majlisidan so'ng, B.Buvanazarovning o'z ishiga tiklanishi va unga majburiy bekor yurgan kunlari uchun 11 mln so'mdan ziyod mablag' undirilishi haqida sudning hal qiluv qarori chiqarildi.

Muhammadjon Ro'zmetov,
O'zbekiston sog'liqni saqlash xodimlari kasaba
uyushmasi respublika kengashining Toshkent viloyati bo'yicha mehnat-huquq inspektori.