O'tmish bilanmas, bugun bilan yashang

O'tmishda sodir bo'lgan voqealar, boshqalarning fikri yoki o'tgan muvaffaqiyatsizliklar haqida qayta-qayta o'ylash bu faqat zarar keltiradi. Eng asosiysi — hozir nima qilish mumkinligini anglash. Hayot doimiy harakatda. O'tmishni eslab yashash sizni rivojlantirmaydi. O'tmishni o'tmishda qoldiring. Har kuni o'zingiz uchun kichik g'alabalar va quvonchli daqiqalarni qayd qilib boring. Bu sizning diqqatingizni bugunga qaratishga yordam beradi.

Doimiy kechiktirish

"Ertadan boshlayman" kabi fikrlar ko'pincha amalga oshmaydi. Maqsadlar va orzularning ideal vaqti degan tushuncha yo'q. Odatiy kechiktirish — bu hayotni orqaga surishdir. Bugunning vazifalari ro'yxatini tuzing va ularni kechiktirmasdan bajaring. Unutmang, katta natijalar kichik qadamlardan boshlanadi.

Toksik odamlar bilan munosabatni uzolmaslik

Energiyangizni so'radigan, negativ tarqatadigan, sizni o'zingizdan shubhalantiradigan odamlar — hayot sifatini pasaytiruvchi asosiy omillardan. Ular bilan munosabatni davom ettirish — o'ziga xiyonat qilish bilan barobar. Atrofingizdagi insonlarni tahlil qiling. Sizga ijobiy ta'sir qiluvchilar bilan ko'proq, aksincha ta'sir qiluvchilar bilan kamroq vaqt o'tkazishga harakat qiling.

Hammani rozi qilish istagi

Barchani xursand qilishga urinish — ruhiy tushkunlikka olib keladi. Bu jamiyatda juda ko'p uchraydigan muammodir. "Yo'q" deyishni o'rganing. Unutmang, boshqalarning fikridan ko'ra o'z ehtiyojlaringiz muhimroq.

Ichki qo'rquvni yo'qoting

Ichki qo'rquv o'zini ko'pincha “men hali tayyor emasman”, “menga tajriba yetishmaydi” degan bahonalar ortida pinhon qiladi. Aslida esa, har qanday harakat — tajriba va rivojlanishdir. Kichik maqsadlar qo'ying va ularga aniq muddat belgilang. Masalan: “iyun' oyida kurslarga yozilaman”, “shu haftada rezyume yangilayman” kabi.

O'z yutuqlarini qadrlamaslik

Ko'plab insonlar erishgan muvaffaqiyatlarini “tasodif”, “omad” deb baholaydi. “Yutuqlar daftari” yuriting. Har kuni erishgan hatto eng kichik yutuqlaringizni yozib boring. Bu o'z-o'zini anglashga va ishonchni tiklashga yordam beradi.

Sog'liqqa beparvolik

Jismoniy holatning yomonligi — ruhiy holatga ham to'g'ridan-to'g'ri ta'sir qiladi. Doimiy charchoq, og'riqlar va uyqusizlik sizni hayotdan bahra olishdan mahrum qiladi. Hayot tarziga e'tibor bering — vaqtida uxlang, toza havoda yuring. To'g'ri ovqatlaning va o'z vaqtida shifokorga murojaat qiling.

E'tiborsiz qoldirilgan odatlar hayot sifatini tushirishi mumkin. Agar siz doim charchagan, norozi va o'zini baxtsiz his qilgan insonga aylangan bo'lsangiz — u holda yuqoridagi 7 odatni tark qiling. Hayotning qay tomonga o'zgarishi sizning qanday qarorlarni qabul qilishingizga bog'liq. Energiya, baxt va to'liq hayot uchun bu odatlardan voz kechish — muhim qadamdir.

Oltinoy Mo'minova,

Jahon tillari universiteti xalqaro jurnalistika

fakul'tetining 2-bosqich talabasi