Ma'lum bo'lishicha, D.Sodiqova 2024 yilda “Ayollar daftari”ga kiritilib, oilasiga 10 mln 175 ming so'mlik qurilish materiallari va kuz-qish mavsumi uchun har yili ko'mir hamda oziq-ovqat mahsulotlari berib kelingan. Shuningdek, uy-joyini qurish uchun 8 ming dona g'isht ham olib berilgan ekan. Ammo u yana qayta murojaat qilgan. Bandixon tumani hokimligi murojaatni e'tiborsiz qoldirmadi.

Boysun tumanidagi “Machay” mahallasida yashovchi Toshxol Astanaqulova ham 1211 “Ishonch telefoni”ga qo'ng'iroq qilib, II guruh nogironi ekanligini, 4 yildan buyon suyak yemirilishi va surunkali siydik yo'llari infektsiyasi bilan xastalanganligini bayon qilgan. Davolanish uchun imtiyozli yo'llanma (order) olishda amaliy yordam so'ragan.
Natijada T.Astanaqulova tuman ko'p tarmoqli markaziy poliklinikasida barcha klinik laboratoriya va tibbiy tekshiruvlardan bepul o'tkazildi. Shuningdek, Surxondaryo viloyat ko'p tarmoqli tibbiyot markazida davolanishi uchun imtiyozli yo'llanma ajratildi.

Shori Jumaqulov,
Ishonch.uz