Odatda yurtdoshlarimiz jigar operatsiyasi uchun Hindistonga yo'l olishadi, bugun esa Hindistonlik jarroh, professor Ebhaytib Chaudherry O'zbekistonga keldi. U Toshkent tibbiyot akademiyasida o'qituvchi-shifokorlar va talabalar uchun jigar operatsyasining o'ziga xosligi haqida ma'ruza o'tdi.

Tajribalarga asoslangan ilmiy ma'ruza shifokor va talabalarda katta qiziqish uyg'otdi. U keltirgan raqam esa shunchaki dahshat – ya'ni bir yilda birgina Hindistonning o'zida 4000 nafarga yaqin inson jigar ko'chirish operatsiyasini o'tkazadi.

Jigar transplantatsiyasi bu kasallangan jigarni olib tashlash va uni sog'lom donor jigarining bir qismi bilan almashtirishni o'z ichiga olgan amaliyot. Shifokor donor jigarni bemorning yaqinlaridan oladi. Shunda ham donorning bemor bilan qon guruhi boshqa qator ko'rsatkichlari to'g'ri kelishi shart. Bunday noyob operatsiya uchun Hindistonda tajriba katta va yurtdoshlarimiz ham aynan bu davlatga Rossiya, Germaniya kabi davlatlardan arzonligi uchun borishadi.

Ebhaytib Chaudherry va uning jamoasi ko'p yillardan beri o'zbekistonlik bemorlarni sog'lom hayotga qaytaradi va talablarga binoan O'zbekistondagi bemorlarni o'zi bosh-qosh bo'lib, Hindistonga olib boradi va muvaffaqiyatli operatsiya qilib, yurtimizga olib kelishadi.

Feruza Rahimova, muxbir
Mirnodir Mirrahimov, tasvirchi. Ishonch.uz