Ногиронларга ишлаш учун қандай имтиёзлар бор?
Жисмоний имкониятим чекланган. Аммо ишлашга лаёкатим бор. Даромад топиб оиламга ёрдам килишни истайман. Ногиронларни иш билан таъминлаш бўйича имтиёзлар борми? Ишга кириш бўйича қаерга, кимларга мурожаат қилсам бўлади?
Ушбу саволга Ўзбекистон касаба уюшмалари Федерацияси Навоий вилояти кенгаши меҳнат-ҳуқуқ инспектори Алишер Раҳматов жавоб берди.
Меҳнат кодексида ишга қабул қилишда давлат томонидан қўшимча кафолатлар бериладиган шахслар тоифаси белгиланган. Бу тоифа ичига ногиронларлиги бўлган шахслар ҳам киритилган.
Давлат томонидан берилган қўшимча кафолатлар қўшимча иш жойлари, ихтисослаштирилган корхоналар, шу жумладан ногиронлар меҳнат қиладиган корхоналар барпо этиш, махсус ўқув дастурларини ташкил этиш, корхоналарга ногиронлиги бўлган фуқароларни ишга жойлаштириш учун минимал иш жойларини белгилаш йўли билан, шунингдек қонун ҳужжатларида назарда тутилган бошқа чора-тадбирлар орқали таъминланади.
Иш берувчи иш жойларининг белгиланган минимал иш жойлари ҳисобидан ишга жойлаштириш учун қонун ҳужжатларида белгиланган тартибда маҳаллий меҳнат органлари ва бошқа органлар томонидан юбориладиган ногиронлиги бўлган шахсларни ишга қабул қилиши шарт.
Mақолага баҳо беринг
0/50
0
0
0
0