Маълум бўлишича, филиалда ходимлар сони ва штат бирликлари қисқартирилиши баҳона қилинган ҳолда Шаҳноза аввал бошқа лавозимга вақтинчалик ўтказилган. Кейинчалик эса ушбу лавозимга асосий ходим ишга чиққанлиги сабабли у билан меҳнат шартномаси бекор қилинган. Ушбу ҳолатдан норози бўлган ходим Ўзбекистон касаба уюшмалари Федерациясининг Бухоро вилояти Кенгашига мурожаат қилган. Касаба уюшмалари мутахассислари томонидан ўтказилган ўрганиш натижасида аниқландики, банк ресепшионисти томонидан бажариб келинган вазифалар амалда бугунги кунда банк администратори томонидан бажарилмоқда, яъни иш ҳажми сақланиб қолган, фақат лавозим номи ўзгартирилган, холос. Ушбу қонунбузилишни бартараф этиш мақсадида касаба уюшмалари меҳнат ҳуқуқ инспектори томонидан филиал раҳбарига тегишли кўрсатма киритилди.

Масала суд тартибида кўриб чиқилиб, фуқаролик ишлари бўйича Бухоро туманлараро судининг ҳал қилув қарори, шунингдек, вилоят судининг кассация инстанцияси ажримига мувофиқ, ходим ўз иш жойига тикланди. Шу билан бирга, унга етказилган моддий ва маънавий зиён учун жами 58 миллион сўм миқдорида компенсация ундириб берилди.

Зебо Намозова,
Ishonch.uz