Унинг кенг очилган оғзида абадий қичқириқ қотиб қолганга ўхшайди. Тахминан 3500 йил муқаддам вафот этган “қичқираётган аёл”дан ҳанузгача ҳайратда бўлган олимлар гуруҳи яқинда мўмиёнинг морфологияси, соғлиғи ва сақланиши ҳақида тафсилотларни аниқлаш учун компьютер томографиясидан фойдаланган ва “деярли парчалаш” учун инфрақизил тасвирлар ва бошқа илғор усулларни қўллаган ҳолда унинг ажойиб юз ифодасига нима сабаб бўлиши мумкинлигини тушунишга уринишди.

Жума куни “Frontiers in Medicine” журналида чоп этилган маълумотларга кўра, ёшга қараб ўзгариб борувчи тос суяги бўғими таҳлилига асосланиб, аёл вафот этганида 48 ёшда бўлганини аниқлади. Уни мўмиёлаш жараёнининг айрим жиҳатлари ажралиб турарди.

“Аёлнинг танаси исириқ ва арча қатрони, ҳашаматли ва қимматбаҳо моддалар билан мўмиёланган эди”, дейди тадқиқот муаллифи, Қоҳира университетидаги Каср Ал Айний касалхонасининг радиология профессори Саҳар Салим ўз баёнотида.

Шунингдек, танада ҳеч қандай кесилган жой топилмади, бу мия, диафрагма, юрак, ўпка, жигар, талоқ, буйраклар ва ичаклар ҳали ҳам мавжудлиги ҳақидаги дастлабки кашфиёт пайтида қилинган баҳолашга мос келади.

Тадқиқотчиларнинг таъкидлашича, ички органларни олиб ташлашнинг муваффақиятсизлиги ғайриоддий эди, чунки ўша даврдаги мўмиёлашнинг классик усули юракдан ташқари барча бундай органларни олиб ташлашни ўз ичига олган.

Тадқиқотчилар номаълум аёлнинг бўйи 1,54 метр ёки 5 футдан сал кўпроқ эканлиги ва умуртқа поғонасининг енгил артритидан азият чекканини аниқлашди.

Бироқ тадқиқот ўлимнинг аниқ сабабини аниқлай олмади.

“Бу ерда биз унинг қиммат, импорт қилинган материаллари билан балзамланганини кўрамиз, — деди Салим матбуот анжуманида. —Бу ва мўмиёнинг яхши сақланиб қолган кўриниши унинг ички аъзоларини олиб ташламаслик сифатсиз мўмиёланишни англатади, деган анъанавий эътиқодга зид келади”.

Тадқиқотда қайд этилишича, фақат бир нечта қадимги Миср мўмиёлари оғизлари очиқ ҳолда топилган, мўмиёлар марҳумнинг оғзини беркитиб туриш учун одатда жағ суяги ва бош суягини ўраб олган.

Аёлнинг совуқ ифодасига нима сабаб бўлганлиги тадқиқот натижаларидан аниқ эмас, аммо улар даҳшатли гипотезани яъни “қичқираётган” ҳолатда эканлигини илгари сурдилар.