Сарлавҳадаги ўзи мақол. Шарқ мақоли маъноси шундай: “Яхши эркак киши уйида бўлмайди ва оиласи учун фойда олиш пайида бўлади”. Раҳбар ҳам шундай, давлат, халқ ҳам битта катта оиладек.

Шавкат Мирзиёевнинг Америкага ташрифи кўпчиликнинг диққат марказида турибди. Мен учун энг қизиғи – 8 млрд долларлик “Боинг” самолётлари сотиб олингани бўлди. Трамп бу келишув билан 35 мингта иш ўрин яратгани билан мақтанган бўлса (ҳалоли бўлсин), бизнинг президент 25-30 та самолётни шартта буюртма қилгани зўр бўлди (духни қаранг).

Суриштирдим, Boeing 747-8 нархи ўртача 380-400 млн доллар экан. Ўзбекистон салоҳиятига ишоняпти – туризм ҳам, аҳоли фаоллиги ҳам ошган, ошяпти, ошади. Яқинда 5 млн турист келармикин, деган режалар бўларди (шахсан кузатганман). Ҳозир 10 млн.лик марра орқада қолиб кетди. Ўзбекистоннинг ҳам 10 млн.лаб фуқаролари дунё кезишяпти. Ўзбек ҳам чиқадида, учадида, яйрайдида!

Америка сафаридаги ягона интрига
Охирги пайтлар Дональд Трампнинг Марказий Осиёга келиши бўйича хабарлар кўпайиб қолди. Қизиғи, биздан бойроқ бўлган Қозоғистонга биринчи бўлиб борармикин ёки шиддат билан ўзгариб бораётган Ўзбекистонгами? Нима бўлганда ҳам шу пайтга қадар АҚШ президенти Ўзбекистонга келмаган. Худо хоҳласа энди келади.

Россия омили
Катта оға доим босим қилишга уринади. Яхшиям каттамиз киришимли одам – ҳеч кимни хафа қилмайди, ҳамма билан келишиб кетаверади. Нозик сиёсат хуллас...

Аброр Зоҳидов