+37c

Buyuk Xitoy devori barchamizga tanish va u Chin o‘lkasining asosiy ramzlaridan biri sanaladi. Ammo Xitoyda yana bir “devor” hosil bo‘lmoqda va uning ahamiyati tarixiy “sherigi”dan kam emas. Deyarli yarim asr davomida Xitoy insoniyat tarixidagi eng yirik o‘rmonlarni qayta tiklash loyihalaridan birini amalga oshirib kelmoqda. Shu vaqt ichida Buyuk yashil devor dasturi doirasida taxminan 66 milliard daraxt ekildi va Gobi va Taklamakon cho‘llari bo‘ylab ulkan yashil kamar hosil qilindi. Loyiha asosiy maqsadi tobora kengayib borayotgan cho‘llanishni to‘xtatish va ekologik barqarorlikni saqlab qolishdir.