Yopiq rejimda o'tkazilgan muzokaralarda deyarli hamisha o'ta nozik yo'nalishlar muhokama qilinayotgandek. Ehtimol, gap aniq kelishuvlar haqida emas, balki keyinchalik muloqotni yo'lga qo'yish mumkin bo'lgan masalalar haqida ketgan.
Yordamchi Ushakov muzokarada murosaga erishilmaganini bildirdi. «Hozircha murosa varianti topilmadi. Amerika loyihasi muhokamaga muhtoj, takliflarning hammasi ham bizga to'g'ri kelmaydi. Putin vashingtonning qator takliflariga nisbatan "tanqidiy va hatto salbiy munosabatini" yashirmagan. Uchrashuvda "hududiy muammolar muhokama qilingan”, deb xabar berdi u.
Garchi murosaga erishilmagan bo'lsa-da, Ushakov delegatsiyalar uchrashuvini “juda foydali, konstruktiv va mazmunli" deb atagan.
AQSh davlat kotibi Rubio AQSh va Rossiya o'rtasida Ukrainadagi urushni to'xtatish bo'yicha muzokaralarda siljish borligini ma'lum qildi: «Biroz siljishga erishdik. Ukrainlar nimalarga rozi bo'lishi mumkinligini aniqlash, kelajakda ularga xavfsizlik kafolatini, nafaqat iqtisodiyotni tiklash, balki gullab-yashnash, iqtisodi rivojlangan davlat bo'lish imkonini beradi».
Rubio Rossiya Federatsiyasi o'zi boshlagan urushning dastlabki bosqichida Ukraina hududining hozirgidan ancha ko'p qismini nazorat qilganini eslatib, ukrainlar jasorat, mardlik va jon-jahd bilan kurashgani tufayli ulkan muvaffaqiyatga erishganini qayd etdi.
Tahlilchilar vashington Moskva uchun bosim o'tkazish yo'lidan qanchalik chekinib, xavfsizlik, sanktsiya siyosati, jahon iqtisodiyotidagi xatarlarni minimallashtirish mexanizmlarini aniq muhokama qilishga tayyor ekanligini tushunib olishi muhimligini ta'kidlashmoqda.
Yopiq format uchinchi tomonlar tashabbusni egallab olishiga imkon bermaydi. Aynan shuning uchun ham uchrashuv an'anaviy diplomatik tutumlardan qochilib, maxfiy etib belgilangan. Tomonlar barcha bandlarni sir saqlashga kelishib olishgan. Shuningdek, yangi geosiyosiy arxitekturani yaratish bo'yicha "Putin-Tramp pakti" mavjudligiga ishora qilishi mumkin.
Kechagi uchrashuvda, shuningdek, ehtimoliy sanktsiyalar, iqtisodiy hamkorlik, jumladan, "Shimoliy oqim" gaz quvurlaridan foydalanish va savdo mavzulari ko'rib chiqilgani aytiladi...

Abror XON,