Hozirda «Xan-Yunis» nomli qochoqlar lagerida bo'lib turgan Sabina ismli falastinlik ayol shunday deydi: "Urush sharoitida Yaratganning yordami bilan farzand ko'rdim. Lekin hozir bolaga suv ham, ovqat ham, boshpanamiz ham yo'q. Tagliklar, sut va asosiy ehtiyojlar uchun zarur bo'lgan narsalar yetishmaydi. Bizlarga juda qiyin. Kechasi chaqalog'im sut istab yig'lab chiqadi..."

Shuningdek, shaxsni tasdiqlovchi hujjatlarni olish ham yana bir qiyinchilik. Sabina o'g'lini ro'yxatdan o'tkaza olmasa-da, unga Abdulla deb ism qo'ygan.

Ayni paytda G'azodagi vaziyat keskin, chunki asosiy vositalar, dori-darmon, suv, elektr energiyasi tanqisligi kuzatilmoqda. Shifoxonalar haddan tashqari to'la. Aholining zaif qatlami bo'lgan — ayollar va bolalar ko'plab qiyinchiliklarga uchramoqda.